શાળાઓમાં કૌશલ્ય અને ડિજિટલ પહેલ જેવી કે નેશનલ ડિજિટલ એજ્યુકેશન આર્કિટેક્ચર (NDEAR), નેશનલ એજ્યુકેશનલ ટેક્નોલોજી ફોરમ (NETF), વગેરેની પણ ચર્ચા કરવામાં આવશે.
ગુજરાત: શિક્ષણ મંત્રાલયે મંગળવારે માહિતી આપી હતી કે ગુજરાતમાં 1 જૂનથી 2 જૂન, 2022 સુધી રાષ્ટ્રીય શિક્ષણ મંત્રીઓની પરિષદ યોજાઈ રહી છે.
રાષ્ટ્રીય શિક્ષણ નીતિ 2020 ના અમલીકરણ પર ધ્યાન કેન્દ્રિત કરીને દેશમાં શિક્ષણ ઇકોસિસ્ટમને મજબૂત કરવા અંગેની ચર્ચાઓ કોન્ફરન્સનો એક ભાગ છે.
આ પરિષદમાં રાજ્યો અને કેન્દ્રશાસિત પ્રદેશોના શિક્ષણ મંત્રીઓને ભાગ લેવા આમંત્રણ આપવામાં આવ્યું છે. કેન્દ્રીય શિક્ષણ મંત્રી ધર્મેન્દ્ર પ્રધાન સાથે રાજ્યમંત્રી રાજીવ ચંદ્રશેખર, રાજ્યમંત્રી અન્નપૂર્ણા દેવી, રાજ્યમંત્રી સુભાષ સરકાર અને શિક્ષણ મંત્રાલયના વરિષ્ઠ અધિકારીઓ આમાં ભાગ લેશે.
શાળાઓમાં કૌશલ્ય અને ડિજિટલ પહેલ જેવી કે નેશનલ ડિજિટલ એજ્યુકેશન આર્કિટેક્ચર (NDEAR), નેશનલ એજ્યુકેશનલ ટેક્નોલોજી ફોરમ (NETF), વગેરેની પણ ચર્ચા કરવામાં આવશે.
મંત્રીઓ 1 જૂન, 2022 ના રોજ વિદ્યા સમીક્ષા કેન્દ્ર (VSK), ભાસ્કરાચાર્ય નેશનલ ઇન્સ્ટિટ્યૂટ ફોર સ્પેસ એપ્લિકેશન્સ એન્ડ જીઓ-ઇન્ફોર્મેટિક્સ (BISAG), અને નેશનલ ફોરેન્સિક સાયન્સ યુનિવર્સિટી (NFSU) અને ઇન્ટરનેશનલ ઓટોમોબાઇલ સેન્ટર ઓફ એક્સેલન્સ (iACE) ની પણ મુલાકાત લેશે.
