રાજકોટ જિલ્લા શ્રમ કલ્યાણ બોર્ડની કચેરી દ્વારા બાંધકામ ક્ષેત્રે અસંગઠીત Labor ના બાળકોને શૈક્ષણિક સહાય માટેની કાર્યવાહીનો પ્રારંભ : ધો. ૧ થી ડોકટર સુધીના ઉચ્ચ અભ્યાસ માટે રૂા. ૫૦૦ થી ૨૫ હજાર સુધીની સહાય મળશે.
: બાંધકામ સાથે સંકળાયેલા મજુર તથા બાંધકામ ક્ષેત્રે છુટક મજુરી કરતા મજુર માટેની ઇ-નિર્માણ અને યુ-વીન કાર્ડ માટેની નોંધણી હાર્ડકોપીમાં કરવામાં આવતી હતી. પરંતુ બાંધકામ ક્ષેત્રમાં જોડાયેલા મજુરોને ઇ-નિર્માણ અને યુ-વીન કાર્ડની નોંધણી સરળતાથી થઇ શકે તથા આ માટે જિલ્લા બાંધકામ શ્રમયોગી કલ્યાણ બોર્ડની કચેરીએ રૂબરૂ જવું ન પડે તે માટે રાજયના મુખ્યમંત્રી વિજયભાઇ રૂપાણીના હસ્તે તા. ૮મી જુનથી આ સમગ્ર પ્રકિયા ઓનલાઇન કરવાનો શુભારંભ કરાયો છે. રાજયના ૧૦ લાખથી વધુ મજુરને અનેક યોજનાઓનો લાભ મળશે. સમગ્ર દેશમાં સૌ પ્રથમ ગુજરાત રાજયમાં બાંધકામ ક્ષેત્રે કાર્યરત અસંગઠીત મજુરનું ઓનલાઇન Registration શરૂ કરનાર ગુજરાત સમગ્ર દેશમાં સર્વ પ્રથમ રાજય બની રહ્યું છે. રાજકોટ જિલ્લામાં આ યોજનાઓની અમલવારી માટે કામગીરીનો પ્રારંભ કરવામાં આવ્યો છે.
રાજયના બાંધકામ ક્ષેત્ર સાથે જોડાયેલા મજુરોને બાંધકામ શ્રમયોગી કલ્યાણ બોર્ડની યોજનાઓનો લાભ મેળવવા જરુરી ઇ-નિર્માણ અને યુ-વીન કાર્ડ હવેથી ઓનલાઇન Registration દ્વારા થઇ શકશે. આ માટે બાંધકામ ક્ષેત્રે કડીયાકામ, પ્લમ્બીંગકામ, સુથારીકામ, કલરકામ જેવા વિવિધ કામોમાં છુટક મજુરી કરતા તમામ જ્ઞાતિ –જાતિના મજુર પોતાના સ્માર્ટફોન દ્વારા અથવા નજીકના કોમન સર્વિસ સેન્ટરની મુલાકાત લઇ ત્યાંથી સાધનિક કાગળો જેવા કે પરિવારના તમામ સભ્યોના આધારકાર્ડ, અરજદાર Labor નો પાસપોર્ટ સાઈઝનો ફોટો, રેશનકાર્ડ, બેંક પાસબુક/ કેન્સલ ચેકની નકલ ચુંટણીકાર્ડ, બાંધકામ મજુર ક્ષેત્રે ૯૦ દિવસથી વધુ સમય સુધી કામ કરેલ હોય તેના પુરાવા, સ્વયં પ્રમાણપત્ર, વ્યવસાયનું પ્રમાણપત્ર, આવકનું પ્રમાણપત્ર વગેરે જોડવાના રહેશે. આ તમામ પુરાવા રજૂ કર્યેથી નોંધણી કરાવનાર મજુરને ટુંક સમયમાં જ ઇ-નિર્માણ અને યુ-વિન કાર્ડ વિનામૂલ્યે મળી રહેશે.
હાલમાં શૈક્ષણિક સત્ર શરૂ થયેલ હોઇ આ મજુર ના બાળકોને ધો.૧ થી લઇને ડોકટર અને એન્જીનીયર સુધીના ઉચ્ચાભ્યાસ અર્થે રૂા. ૫૦૦ થી ૨૫,૦૦૦ સુધીની શિક્ષણ સહાય અને રૂા. ૫૦૦૦ હોસ્ટલ ફી તથા રૂા. ૫૦૦૦ પુસ્તકોની સહાય પણ મળવા પાત્ર થાય છે. જે માટેના ફાર્મ આ જિલ્લા શ્રમ કલ્યાણ બોર્ડની કચેરી ખાતે ભરવાના શરૂ થઇ ગયેલ છે. આથી તમામ પાત્રતા ધરાવતા મજુર એ આ યોજનાનો લાભ લેવા જણાવાયું છે. આ માટે સત્ર શરૂ થયાના ૯૦ દિવસમાં અરજી કરવાની રહેશે.
આ ઉપરાંત યુ-વીન કાર્ડ અંતર્ગત અકસ્માત જુથ વીમા યોજના, આરોગ્ય લક્ષી મા-અમૃતમ અને પીએમ-જેએવાય યોજના, Labor અન્નપુર્ણા યેાજના તથા સરકારીના વિવિધ વિભાગોના અમલી યોજનાઓના લાભો મળી શકે છે. જયારે ઇ-નિર્માણ કાર્ડ અંતર્ગત મજુર અન્નપુર્ણા યેાજના, પ્રસૂતિ સહાય, શિક્ષણ સહાય, મુખ્યમંત્રી ભાગ્ય લક્ષ્મી બોન્ડ યોજના, બાંધકામ Labor માટે મેડીકલ હેલ્થ યુનીટ (ધન્વંતરી રથ) નો લાભ, વ્યાવસાયીક રોગોમાં સહાય, આકસ્મિક મૃત્યુ સહાય, અંત્યેષ્ઠિ સહાય, નાનાજી દેશમુખ આવાસ યોજના તળે આવાસ માટેની સહાય, સ્થળાંતરીત Labor ના બાળકો માટે હોસ્ટેલ સુવિધા, Labor પરીવહન યોજના, હાઉસીંગ સહાય યોજના, વૃધ્ધાવસ્થા પેન્શન યોજના, બેટરી ઓપરેટેડ ટુ વ્હીલર યોજના તથા કોરોના મહામારી સંદર્ભે કોરોના કવચ યોજનાનો લાભ મળી શકે છે.
આ અંગેની વધુ વિગત માટે જિલ્લા શ્રમ કલ્યાણ બોર્ડની કચેરી, જિલ્લા સેવાસદન-૩, સરકારી પ્રેસ પાસે, રાજકોટનો સંપર્ક કરવા કચેરીના જિલ્લા નિરીક્ષક એમ.ડી.કકકડ, એ.બી.ચંદારાણા તથા પ્રોજેકટ મેનેજર વિ.આર.જાની, આર.એસ.કેલૈયાની યાદીમાં જણાવાયું છે.
