Polo ના જંગલોમાં Entry Fee અને પાર્કિંગ Fee ના નામે પ્રવાસીઓ પાસેથી હજારો રૂપિયા પડાવતા એજન્ટો અને દલાલોનો પર્દાફાશ
ઉત્તર ગુજરાતના સાબરકાંઠામાં આવેલા પ્રખ્યાત Polo ના જંગલોમાં Entry Fee અને પાર્કિંગ Fee ના નામે પ્રવાસીઓ પાસેથી હજારો રૂપિયા પડાવતા એજન્ટો અને દલાલોનો પર્દાફાશ કરી જિલ્લા કલેક્ટરે એવી જાહેરાત કરી છે કે Polo ના જંગલોમાં જવા માટે કોઇપણ પ્રકારની Entry Fee લેવામાં આવતી નથી.
વિજયનગર સ્થિત રમણીય કુદરતી સાનિધ્યમાં Polo ના જંગલોમાં પુરાતત્વ વિભાગ હસ્તકના એવા મંદિરો છે કે જે 500 થી 1000 વર્ષ કરતાં પૌરાણિક છે. આ સાથે ચોમાસામાં લીલીતરી અને ઝરણાંથી છવાયેલા આ પ્રવાસન સ્થળની મુલાકાતે પ્રતિદિન 10 હજારની વધુ લોકો આવે છે.
કોરોના સંક્રમણના સમયમાં બેકાર બની ચૂકેલા કેટલાક તત્વોએ પ્રવાસીઓને છેતરવાના માર્ગ શરૂ કર્યા હતા. પ્રવાસીઓ પાસેથી 50 રૂપિયાની Entry Fee લેવાનું શરૂ કર્યું હતું પરંતુ તે તદ્દન ગેરકાયદે હતું. આ એજન્ટો પ્રવાસીઓના વાહન પાર્કિંગ માટે 20 થી 50 રૂપિયાની લૂંટ ચલાવતા હતા. એટલું જ નહીં ગાઇડ બનીને પણ પ્રવાસીઓને લૂંટતા હતા.
આ એજન્ટોએ રીતસર ઓફિસ ખોલી નાંખી હતી પરંતુ સરકારી તંત્ર તેમને પકડી શકતું ન હતું. જંગલ વિભાગ પણ આવી ઘટનાથી અજાણ હતો. તાજેતરમાં પ્રવાસીઓને જંગલ દર્શન કરાવતો એક વિડીયો વાઇરલ થયો હતો જે જિલ્લા કલેક્ટરના ધ્યાને આવ્યો હતો.
જિલ્લા કલેક્ટર હિતેશ કોયાએ Polo ના જંગલોમાં ચાલતી લૂંટને રોકવા માટે વન વિભાગના ઉચ્ચ અધિકારીઓ સાથે એક બેઠક બોલાવી હતી અને Entry Fee, ગાઇડ તેમજ પાર્કિંગ ચાર્જ લેતા તત્વોને બંધ કરવાની સૂચના આપી હતી. આ તત્વોએ જે રૂપિયા ઉઘરાવ્યા હતા તે પાછા આપવાની પણ વ્યવસ્થા કરી હતી.
Games : Garena Free Fire અને PUBG India પર લાગશે પ્રતીબંધ, મોદી સુધી પહોચી વાત
જિલ્લા કલેક્ટરે આદેશમાં એવું જણાવ્યું હતું કે કોઇપણ પ્રવાસીએ Polo ના જંગલમાં Entry Fee કે પાર્કિંગ Fee ચૂકવવાની રહેતી નથી, કારણ કે આ પ્રવાસન સ્થળ પર પ્રવાસીઓને વિનામૂલ્યે પ્રવેશ મળે છે. પાર્કિંગમાં વાહનો વ્યવસ્થિત પાર્ક થાય તે માટે જંગલ વિભાગના કર્મચારીઓ કામ કરી રહ્યાં છે કે જેનાથી પ્રવાસીઓ હેરાન થાય નહીં. કોઇએ આવા એજન્ટોને કોઇપણ પ્રકારની Fee ચૂકવવાની રહેતી નથી.
