રાજકોટની ઇમ્પીરિયલ હોટલનો ન્યૂડ યુવતીના ડાન્સવાળો વાઇરલ વીડિયોનો મામલો હાલમાં ‘ટોક ઓફ ધ ટાઉન’ બન્યો છે. ત્યારે આ સમગ્ર મામલાને લઇ પોલીસ દ્વારા એવું કહેવામાં આવી રહ્યું છે કે, એ દિવસે હોટલમાં દિલ્હીનું કપલ રોકાયું હતું. પરંતુ એ રૂમમાં જે ન્યૂડ પાર્ટી થઇ હતી તે હવે એક તપાસનો વિષય બન્યો છે. DCP જાડેજાએ જણાવ્યું હતું.
મહત્વનું છે કે, શુક્રવારના રોજ વધુ એક વીડિયો ફરતો થયો હતો અને તે વીડિયો ઓથેન્ટિક નહીં હોવાનું DCP જાડેજાએ જણાવ્યું હતું.
તમને જણાવી દઇએ કે, ઇમ્પીરિયલ હોટલના છઠ્ઠા માળે આવેલા રૂમમાં એક યુવતી ન્યૂડ ડાન્સ કરતી હોય તેવો વીડિયો ફરતો જોવા મળ્યો હતો. ત્યારે આ મામલે DCP ઝોન-2 મનોહરસિંહ જાડેજાએ તપાસના આદેશ આપ્યાં હતાં. હોટલના એ રૂમમાં ન્યૂડ પાર્ટી યોજવામાં આવી હતી અને યુવતી ન્યૂડ ડાન્સ કરી રહી હોવાની ચર્ચાઓ શરૂ થઇ હતી જેથી રાજકોટની હોટલોમાં ન્યૂડ પાર્ટી યોજાયાની ચર્ચાને પગલે આ આદેશ આપવામાં આવ્યાં હતાં.
વીડિયોમાં દેખાતી યુવતી એ મુંબઇની મોડેલ તેમજ મોરબીના ઉદ્યોગપતિએ પાર્ટી યોજ્યાની ચર્ચાએ જોર પકડ્યું હતું
જેથી એ ડિવિઝન પોલીસે તેની તપાસ શરૂ કરી હતી. મહત્વનું છે કે, આ વીડિયોમાં દેખાતી યુવતી એ મુંબઇની મોડેલ હોવાની તેમજ મોરબીના ઉદ્યોગપતિએ શુક્રવારે ન્યૂડ પાર્ટી યોજી હોવાની જોરશોરથી ચર્ચાઓ શરૂ થઇ હતી. જો કે પોલીસે આ અંગે તપાસ કરતા શુક્રવારના રોજ કથિત રૂમમાં દિલ્હીનું કપલ રોકાયું હતું. આ કપલ શનિવારે પણ હોટલમાં હતું અને તેણે વિધિવત રીતે હોટેલનો રૂમ બૂક કરાવ્યો હતો. દરમિયાન શુક્રવારે વધુ એક વીડિયો ફરતો થયો હતો કે જે વીડિયો ઇમ્પીરિયલ હોટેલના એ રૂમનો હોવાની અને તે વીડિયોમાં યુવતી ન્યૂડ ડાન્સ કરતી જોવા મળી હતી.
બીજો વીડિયો ઓથેન્ટિક નથી : DCP
આ અંગે DCP મનોહરસિંહ જાડેજાએ નિવેદન આપતા જણાવ્યું કે, ‘બીજો વીડિયો ઓથેન્ટિક નથી, પરંતુ કથિત ન્યૂડ પાર્ટીવાળા વીડિયોના મૂળ સુધી પહોંચવા માટે વીડિયો કોણે ઉતાર્યો અને કોણે આ વીડિયો ફરતો કર્યો તે અંગે તપાસ શરૂ કરવામાં આવી છે. આથી જો તે વ્યક્તિ હાથમાં આવે તો આ વીડિયો કયા દિવસનો છે તે સ્પષ્ટ થશે.’
શા માટે AC દિવાલની ઉપરના ભાગે અને હીટર નીચે લગાવાય છે, શું તમે જાણો છો ?
આ વીડિયોમાં માત્ર એક જ યુવતી દેખાઇ રહી છે તો એ યુવતીનો વિડીયો ઉતારવાનો હેતુ શું ?
બીજી બાજુ, આ વીડિયો શુક્રવારનો હોવાની વાતો થઇ રહી છે પરંતુ તે વીડિયો એ દિવસનો નહીં હોવાનું પ્રાથમિક તપાસમાં જાણવા મળ્યું છે ત્યારે આ વીડિયો ફરતો કરનારે શા માટે ખોટા દિવસની જાહેરાત કરી એ એક વિચારવા જેવી બાબત છે. આ વીડિયોમાં માત્ર એક જ યુવતી દેખાઇ રહી છે તો એ યુવતીનો વિડીયો ઉતારવાનો હેતુ શું? તેમજ આ વીડિયો ક્યારે ઉતારવામાં આવ્યો અને ક્યારે ફરતો કરવામાં આવ્યો તે મુદ્દો હવે વધુ તપાસનો વિષય બન્યો છે.
