ભારતમાં કોરોનાની બીજી લહેરમાં આવેલી તેજીને જોતા વિશ્વ સ્તર પર આઈટી સેક્ટરની દિગ્ગજ કંપનીઓમાં સામેલ ભારતીય મૂળના સીઈઓ એ ચિંતા વ્યક્ત કરી છે. માઈક્રોસોફ્ટના સીઈઓ સત્ય નાડેલા એ ભારતની કોવિડ સ્થિતિને જોઈ દુઃખ વ્યક્ત કર્યુ છે. ત્યારે ગૂગલના સીઈઓ સુંદર પિચાઈએ મદદનો વાયદો કર્યો છે.
સત્ય નાડેલાએ કહ્યું કે કોરોના વાયરસ મહામારીની બીજી લહેરને કારણે ભારતમાં ઉત્તપન્ન થયેલી સ્થિતિથી તેઓ ઘણા દુઃખી છે અને રાહતના ઉપાયોમાં મદદ કરવાનો વાયદો કરે છે. નાડેલાએ પોતાના ટ્વીટમાં કહ્યુ છે કે હું ભારતની વર્તમાન સ્થિતિથી બહું દુઃખી છુ. હું આભારી છુ કે અમેરિકન સરકાર મદદ કરવામાં જોડાઈ છે. માઈક્રોસોફ્ટમાં રાહતના પ્રયાસોમાં મદદ માટે પોતાનો અવાજ, સંસાધનો અને ટેક્નોલોજીનો ઉપયોગ ચાલુ રાખશે.
સુંદર પિચાઈએ ટ્વીટમાં કહ્યુ તે ભારતમાં કોરોનાનું સંકટ જોતા ગૂગલે 135 કરોડ રુપિયા ફંડ આપવાનો નિર્ણય કર્યો છે. આ ફંડ ‘Give India’અને યૂનિસેફના માધ્યમથી ભારતને મળશે.
