ગુજરાતમાં ફરી એકવાર Coronaના કેસો વધવા લાગતાં સ્થાનિક તંત્ર હરકતમાં આવ્યું છે. સુરત પછી રાજકોટ કોર્પોરેશન પણ Coronaના કેસો વધતાં હરકતમાં આવ્યું છે તેમજ નવરાત્રિમાં ગરબા રમવા મુદ્દે નવો આદેશ જારી કરવામાં આવ્યો છે. રાજકોટ મનપા કમિશનરે આદેશ કર્યો છે. રાજકોટમાં જ્યાં Corona પોઝિટિવ કેસ આવશે એ વિસ્તાર કન્ટેનટમેન્ટ ઝોન જાહેર કરવામા આવશે તેમજ ત્યાં શેરી ગરબા ને મન્જુરી નહિ મળે.
નોંધનીય છે કે, આ પ્રકારનો આદેશ સુરત કોર્પોરેશન દ્વારા પણ જાહેર કરવામાં આવ્યો છે.
રાજ્યમાં સુરત અને અમદાવાદમાં ફરીથી Coronaનું સંક્રમણ વધી રહ્યું છે, ત્યારે સુરતમાં Coronaના વધી રહેલા કેસોને લઈને તંત્ર હરકતમાં આવ્યું છે. સુરતમાં કન્ટેઈનમેન્ટ ઝોન વિસ્તારમાં ગરબા પર પ્રતિબંધ લગાવી દેવામાં આવ્યો છે. આ નિયમને કારણે 6426 લોકો નવરાત્રિની ઉજવણી નહીં કરી શકે. જ્યારે સુરતમાં અત્યારે સૌથી 47 એક્ટિવ કેસ છે. આ પછી અમદાવાદમાં 40 એક્ટિવ કેસ છે. તો વલસાડમાં 33 અને વડોદરામાં 25 એક્ટિવ કેસ છે.
સુરત શહેરમાં હાલ 69 માઈક્રો કન્ટેઈનમેન્ટ ઝોન જાહેર થયેલા છે. નવરાત્રિમાં પહેલા Coronaના વધતા કેસો પાલિકા માટે પડકાર છે. ભરથાણામાં એક જ પરિવારના 2 બાળકો સહિત 6 પોઝિટિવ છે. રાંદેરમાં પણ માતા-પિતા અને પુત્રને ચેપ છે. બાળકોમાં Corona સંક્રમણનો રેશિયો 15 ટકા સુધી પહોંચી ગયો. રાંદેરમાં મહિનામાં જ 40માંથી 8 બાળકો સંક્રમિત થયા છે. તહેવાર ટાણે સોસાયટીમાં ભેગા થયાં હોવાની હિસ્ટ્રી સામે આવી છે.
ગુજરાતમાં ગઈ કાલે Coronaના નવા 23 કેસ નોંધાયા છે. તો બીજી તરફ 14 દર્દીઓ રિકવર પણ થયા છે. અત્યાર સુધીમાં કુલ 8,15,740 દર્દીઓએ Coronaને મ્હાત આપી છે. તો બીજી તરફ Coronaનો રિકવરી રેટ પણ 98.76 ટકાએ પહોંચ્યો છે. રાજ્યમાં આજે Corona સંક્રમણથી એકપણ વ્યક્તિનું મોત થયું નથી. આજે 62,842 લોકોનું રસીકરણ કરવામાં આવ્યું છે.
જો Coronaના એક્ટિવ કેસની વાત કરીએ તો રાજ્યમાં કુલ 180 કેસ છે. જે પૈકી 04 વેન્ટીલેટર પર છે, જ્યારે 176 નાગરિકો સ્ટેબલ છે. 8,15,740 નાગરિકોને ડીસ્ચાર્જ કરવામાં આવ્યા છે. 10082 નાગરિકોનાં અત્યાર સુધીમાં કુલ મોત નિપજ્યાં છે. જો કે રાહતના સમાચાર કહી શકાય કે, આજે Coronaને કારણે એક પણ દર્દીનું મોત થયું નથી. સુરત કોર્પોરેશનમાં 8, અમદાવાદ કોર્પોરેશનમાં 6, સુરત 3, વલસાડ 3, ખેડા 1, નવસારી 1 અને વડોદરા કોર્પોરેશનમાં 1 Corona વાયરસનો કેસ નોંધાયો છે.
રાજ્યમાં રસીકરણની વાત કરવામાં આવે તો રાજ્યમાં હેલ્થકેર વર્કર અને ફ્રન્ટલાઇન વર્કર્સ પૈકી 3 કર્મચારીઓને રસીનો પ્રથમ ડોઝ અને 459 કર્મચારીને રસીનો બીજો ડોઝ અપાયો હતો. 45 વર્ષથી વધારેની ઉંમરના 8824 નાગરિકોને રસીનો પ્રથમ અને 7797 નાગરિકોને રસીનો બીજો ડોઝ અપાઇ ચુક્યો છે. 18-45 વર્ષ સુધીના 24741 નાગરિકોને રસીનો પ્રથમ જ્યારે 21018 નાગરિકોને રસીનો બીજો ડોઝ અપાયો હતો. આજના દિવસમાં 62,842 કુલ રસીના ડોઝ અપાયા છે. અત્યાર સુધીમાં 6,14,44,354 કુલ રસીના ડોઝ અપાઇ ચુક્યા છે.
Driving License માટે ગુજરાતના આ ૪ મહાનગરોની RTO માં Driving Test બે શિફ્ટમાં લેવાશે
અમદાવાદ, અમરેલી, આણંદ, અરવલ્લી, બનાસકાંઠા, ભરુચ, ભાવનગર, ભાવનગર કોર્પોરેશન, બોટાદ, છોટા ઉદેપુર, દાહોદ, ડાંગ, દેવભૂમિ દ્વારકા, ગાંધીનગર, ગાંધીનગર કોર્પોરેશન, ગીર સોમનાથ, જામનગર, જામનગર કોર્પોરેશન, જુનાગઢ, જુનાગઢ કોર્પોરેશન, કચ્છ, મહીસાગર, મહેસાણા, મોરબી, નર્મદા, પંચમહાલ, પાટણ, પોરબંદર, રાજકોટ, રાજકોટ કોર્પોરેશન, સાબરકાંઠા, સુરેન્દ્રનગર, તાપી અને વડોદરામાં એક પણ Corona વાયરસનો નવો કેસ નથી નોંધાયો.
