લાઈફ ઈન્સ્યોરન્સ કોર્પોરેશન ઓફ ઈન્ડિયા નો મેગા IPO ચાલુ નાણાકીય વર્ષના અંત સુધીમાં આવવાનો છે, જો કે LIC ના પોલિસીધારકો માટે તેને તેમના સંબંધિત PAN કાર્ડ સાથે લિંક કરવું ખૂબ જ જરૂરી છે.
લાઈફ ઈન્સ્યોરન્સ કોર્પોરેશન ઓફ ઈન્ડિયા એ તાજેતરમાં LIC ઓફ ઇન્ડિયાના તમામ પોલિસીધારકોને કંપનીના આગામી IPOના સબ્સ્ક્રિપ્શન અંગે એક નોટિસ જારી કરી હતી જેમાં જણાવામાં આવ્યું હતું કે તેના આગામી IPOને પોલિસીધારકો માત્ર ત્યારે જ સબસ્ક્રાઇબ કરી શકશે જો તેમનું PAN કાર્ડ કંપનીના રેકોર્ડમાં અપડેટ કરવામાં આવ્યુ હશે .
લાઈફ ઈન્સ્યોરન્સ કોર્પોરેશન ઓફ ઈન્ડિયા એ કહ્યું કે તે અમારા પોલિસીધારકોના હિતમાં પોલિસીધારકોને LIC રેકોર્ડ્સમાં PAN અપડેટ કરવા માટે આહવાન કરતી જાહેરખબરો લાંબા સમયથી ચલાવી રહ્યા છે.
વીમા કંપનીએ ઉમેર્યું હતું કે આવી કોઈપણ જાહેર ઓફરમાં ભાગ લેવા માટે, પોલિસીધારકોએ ખાતરી કરવી પડશે કે તેમની PAN વિગતો કોર્પોરેશનના રેકોર્ડમાં અપડેટ કરવામાં આવી છે. વધુમાં, ભારતમાં કોઈપણ જાહેર ઓફરમાં સબ્સ્ક્રાઇબ કરવું માત્ર ત્યારે જ શક્ય છે જો તમારી પાસે વેલિડ ડીમેટ એકાઉન્ટ હોય – તે મુજબ, પોલિસીધારકોએ ખાતરી કરવી જોઈએ કે તેમની પાસે એક્ટિવ ડીમેટ એકાઉન્ટ છે.
જો તમે હજુ સુધી LIC ને આ માહિતી પૂરી પાડી નથી તો લાઈફ ઈન્સ્યોરન્સ કોર્પોરેશન ઓફ ઈન્ડિયા એ પોલિસીધારકોને તે ઝડપી અને વહેલી તકે કરવા વિનંતી કરી છે કારણ કે, તે KYC દ્રષ્ટિકોણથી ખૂબ જ મહત્વપૂર્ણ છે, તેમજ LIC દ્વારા સૂચિત જાહેર ઓફરમાં ભાગ લેવાની તમારી ક્ષમતા.
લાઈફ ઈન્સ્યોરન્સ કોર્પોરેશન ઓફ ઈન્ડિયા સાથે તમારી PAN વિગતો ઓનલાઈન અપડેટ કરવાની પ્રક્રિયા અહીં જણાવ્યા મુજબ :
1. કોર્પોરેશનની વેબસાઇટ www.licindia.in અથવા https://licindia.in/Home/Online-PAN-Registration ની મુલાકાત લો
2. તમારો પોલિસી નંબર, PAN, જન્મ તારીખ અને ઈ-મેલ આઈડી તૈયાર રાખો, જે તમારા PAN અપડેટ કરતી વખતે ભરવાની જરૂર છે.
3. તમે ઉપરની લિંકનો ઉપયોગ કરીને તમારી તમામ LIC પોલિસી માટેના રેકોર્ડ અપડેટ કરી શકો છો.
4. તમે કોર્પોરેશનની વેબસાઈટ www.licindia.in અથવા https://linkpan.licindia.in/UIDSeedingWebApp/getPolicyPANStatus પર જઈને તમારી પોલિસીમાં તમારો PAN રજીસ્ટર્ડ છે કે નહીં તે પણ જોઈ શકો છો ?
વિકલ્પ તરીકે, તમે સહાયતા માટે તમારા LIC એજન્ટનો પણ સંપર્ક કરી શકો છો.
LICએ LIC એક્ટ 1956 હેઠળ રચાયેલ વૈધાનિક નિગમ, ભારતની અગ્રણી જીવન વીમા કંપની છે જે સંપૂર્ણ રીતે સરકારની માલિકી ધરાવે છે.
ભારતની બહાર પણ તેની ત્રણ શાખાઓ છે – યુકે, ફિજી અને મોરેશિયસમાં, સિંગાપોરમાં સંપૂર્ણ માલિકીની પેટાકંપની અને બહેરીન, કેન્યા, શ્રીલંકા, નેપાળ, સાઉદી અરેબિયા અને બાંગ્લાદેશમાં સંયુક્ત સાહસ છે.
ભારતમાં તેની પેટાકંપનીઓમાં LIC પેન્શન ફંડ લિમિટેડ અને LIC કાર્ડ્સ સર્વિસિસ લિ.નો સમાવેશ થાય છે.
તેના સહયોગીઓમાં IDBI બેંક લિમિટેડ, LIC મ્યુચ્યુઅલ ફંડ અને લાઈફ ઈન્સ્યોરન્સ કોર્પોરેશન ઓફ ઈન્ડિયા હાઉસિંગ ફાઇનાન્સ લિ.નો સમાવેશ થાય છે.
