પ્રધાનમંત્રી શ્રમ યોગી માનધન યોજના અસંગઠિત ક્ષેત્ર સાથે જોડાયેલા કારીગરો, મજૂરો, શ્રમિકે વગેરે માટે એક મહત્વની Pension યોજના છે. આ યોજના લારી-પાથરણાવાળા, રિક્ષાચાલકો, બાંધકામ કરતા મજૂરો અને આવા અનેક પ્રકારના કામોમાં લાગેલા અસંગઠિત ક્ષેત્રના લોકો માટે છે.
તેનાથી આપ પોતાનું ભવિષ્ય સરક્ષિત કરી શકો છો. સરકાર આપને Pensionની ગેરેન્ટી આપે છે. આ યોજનામાં આપ દરરોજ 2 રૂપિયા જમા કરાવીને વાર્ષિક 36,000 રૂપિયાનું Pension મેળવી શકો છો.
દર મહિને 55 રૂપિયા જમા કરાવવાના હોય છે
જો કોઈ 18 વર્ષની ઉંમરથી આ યોજના શરૂ કરે છે, તો તેણે દર મહિને 55 રૂપિયા જમા કરાવવાના રહેશે.
એટલે કે, તમે દરરોજ 2 રૂપિયાની બચત કરીને અને મહિના માટે 55 રૂપિયા જમા કરીને 36000 રૂપિયાનું Pension મેળવી શકો છો. તે જ સમયે, જે વ્યક્તિ 40 વર્ષની ઉંમરથી આ યોજના શરૂ કરશે તેણે દર મહિને 200 રૂપિયા જમા કરાવવાના રહેશે. તમને 60 વર્ષની ઉંમર પછી Pension મળવાનું શરૂ થશે. 60 વર્ષ પછી, તમને દર મહિને 3000 રૂપિયા એટલે કે 36000 રૂપિયા પ્રતિ વર્ષ Pension મળશે.
આધાર કાર્ડ જોઈએ છે
અરજી કરનાર વ્યક્તિ પાસે બચત બેંક ખાતું અને આધાર કાર્ડ હોવું જરૂરી છે. વ્યક્તિની ઉંમર 18 વર્ષથી ઓછી અને 40 વર્ષથી વધુ ન હોવી જોઈએ.
નોંધણી અહીં કરવામાં આવશે
કામદારોએ આ યોજના માટે કોમન સર્વિસ સેન્ટર (CSC) ખાતે નોંધણી કરાવવી પડશે. ભારત સરકારે આ યોજના માટે એક વેબ પોર્ટલ બનાવ્યું છે. કામદારો CSC કેન્દ્રમાં પોર્ટલ પર નોંધણી કરાવી શકશે. આ કેન્દ્રો દ્વારા ઓનલાઈન તમામ માહિતી ભારત સરકારને મળશે.
આ માહિતી આપવી જોઈએ
નોંધણી માટે, કામદારને તેના આધાર કાર્ડ, બચત અથવા જન ધન બેંક એકાઉન્ટ પાસબુક, મોબાઇલ નંબરની જરૂર પડશે. આ સિવાય, સંમતિ પત્ર આપવો પડશે જે બેંક શાખામાં પણ આપવો પડશે. જ્યાં કામદારનું બેંક ખાતું હશે, તો જ Pension માટે તેના બેંક ખાતામાંથી નાણાં કાપવામાં આવશે.
તેઓ યોજનાનો લાભ લઈ શકે છે
પ્રધાનમંત્રી શ્રમ યોગી માનધન Pension યોજના હેઠળ, અસંગઠિત ક્ષેત્ર સાથે સંકળાયેલ કોઈપણ કામદાર, જેની ઉંમર 40 વર્ષથી ઓછી છે અને કોઈ સરકારી યોજનાનો લાભ નથી લઈ રહ્યો, તે તેનો લાભ લઈ શકે છે. આ યોજના માટે અરજી કરનાર વ્યક્તિની માસિક આવક 15 હજાર રૂપિયાથી ઓછી હોવી જોઈએ.
ટોલ ફ્રી નંબર પર માહિતી મેળવો
આ યોજના માટે શ્રમ વિભાગ, LIC, EPFO ની ઓફિસને શ્રમિક સુવિધા કેન્દ્ર બનાવવામાં આવી છે. આ કચેરીઓની મુલાકાત લઈને કામદારો યોજના વિશે માહિતી મેળવી શકે છે. સરકારે આ યોજના માટે ટોલ ફ્રી નંબર 18002676888 જારી કર્યો છે. આ નંબર પરથી યોજના વિશેની માહિતી પણ લઈ શકાય છે.
