જો તમારું પણ સ્ટેટ બેંક ઓફ ઈન્ડિયામાં (SBI) એકાઉન્ટ છે તો આ સમાચાર તમારા માટે કામના છે. ખરેખર, SBI તેના ગ્રાહકોને 2 લાખ રૂપિયા સુધીનો ફ્રી ઇન્શ્યોરન્સ આપી રહી છે. બેંક આ સુવિધા જન ધન ખાતાના ખાતાધારકોને આપી રહી છે. પ્રધાનમંત્રી જન ધન યોજના વર્ષ 2014માં શરૂ કરવામાં આવી હતી. આ યોજના આર્થિક રીતે નબળા વર્ગના લોકોને આર્થિક સેવાઓ, બેંકિંગ બચત અને જમા ખાતા, ક્રેડિટ, વીમો, પેન્શનની સુલભતા સુનિશ્ચિત કરે છે.
તમને જણાવી દઈએ કે SBI રૂપે જનધન કાર્ડની (SBI Rupay Jandhan Card ) સુવિધા બેંક દ્વારા જન ધન ગ્રાહકોને આપવામાં આવે છે. આ કાર્ડ પર બેંક ગ્રાહકોને 2 લાખ રૂપિયા સુધીના એક્સીડેંટલ ઇન્શ્યોરન્સ કવરની સુવિધા આપી રહી છે. Rupay કાર્ડની મદદથી તમે ખાતામાંથી પૈસા ઉપાડી શકો છો અને ખરીદી પણ કરી શકો છો.
ટ્રાન્સફર કરવાનો પણ છે વિકલ્પ
બેઝિક સેવિંગ્સ એકાઉન્ટને (Savings Account) જન ધન યોજના ખાતામાં ટ્રાન્સફર કરવાનો વિકલ્પ પણ છે. જેમની પાસે જન ધન એકાઉન્ટ છે, તેઓ બેંકમાંથી RuPay PMJDY કાર્ડ મેળવે છે. 28 ઓગસ્ટ, 2018 સુધી ખોલવામાં આવેલા જન ધન ખાતાઓ પર જારી કરાયેલા RuPay PMJDY કાર્ડ માટે વીમાની રકમ 1 લાખ રૂપિયા હશે. 28 ઓગસ્ટ, 2018 પછી જારી કરાયેલા RuPay કાર્ડ પર રૂ. 2 લાખ સુધીના એક્સિડેંટલ કવર બેનેફિટ મળશે.
જાણો કેવી રીતે કરશો ક્લેમ?
તમને જણાવી દઈએ કે આ યોજના હેઠળની પર્સનલ એક્સિડન્ટ પોલિસી ભારત બહારની ઘટનાઓને પણ આવરી લે છે. જરૂરી દસ્તાવેજો સબમિટ કરવા પર વીમાની રકમ મુજબ ક્લેમ ભારતીય રૂપિયામાં ચૂકવવામાં આવશે. કોર્ટના આદેશ મુજબ લાભાર્થી કાર્ડધારક અથવા કાનૂની વારસદારના ખાતામાં નોમિની બની શકે છે.
આયુષ્માન ભારત (PMJAY) યોજનામાં કાર્ડ બની શકે કે નહીં, આ 4 સ્ટેપમાં ઓનલાઇન જાણો…
આ રીતે ખાતું ખોલાવો
જો તમે તમારું નવું જન ધન ખાતું ખોલાવવા માંગો છો, તો તમે નજીકની બેંકમાં જઈને આ કામ સરળતાથી કરી શકો છો. આ માટે તમારે બેંકમાં એક ફોર્મ ભરવાનું રહેશે. તેમાં નામ, મોબાઈલ નંબર, બેંક બ્રાંચનું નામ, અરજદારનું સરનામું, નોમિની, વ્યવસાય/રોજગાર અને વાર્ષિક આવક અને આશ્રિતોની સંખ્યા, એસએસએ કોડ અથવા વોર્ડ નંબર, ગામ કોડ અથવા ટાઉન કોડ વગેરે આપવાનું રહેશે.
