આઈપીએલમાં આજની ટૂર્નામેન્ટની ફાઈનલ મેચ ચેન્નાઈ સુપર કિંગ્સ અને કોલકાતા નાઈટ રાઈડર્સ વચ્ચે રમાઈ હતી. આ મેચમાં KKRએ ટોસ જીતીને પ્રથમ બોલીંગ કરવાનો નિર્ણય કર્યો હતો. જેમાં પહેલા બેટીંગ કરતા CSK એ 20 ઓવરમાં 3 વિકેટના નુકસાને 192 રન કર્યા હતા. ત્રીજી વાર આઈપીએલમાં ચેમ્પિયન બનવા માટે કોલકાતાને 193 રનનો લક્ષ્યાંક આપવામાં આવ્યો હતો.
Faf du Plessis, Shardul, Jadeja shine as CSK defeat KKR to lift 4th IPL title
Read @ANI Story | https://t.co/etwNdu0GVK#CSKvKKR #IPL2021 #IPLFinal pic.twitter.com/WG5WvZVawb
— ANI Digital (@ani_digital) October 15, 2021
ચેન્નાઈ સુપર કિંગ્સ (CSK) એ ઈન્ડિયન પ્રીમિયર લીગ (IPL) 2021 નો ખિતાબ જીત્યો છે. દુબઈમાં રમાયેલી અંતિમ મેચમાં CSK એ કોલકાતા નાઈટ રાઈડર્સ (KKR) ને 27 રનથી હરાવ્યું હતું. જ્યાં ધોનીની ટીમ ચોથી વખત IPL ખિતાબ જીતવામાં સફળ રહી છે. આ સાથે જ KKR નું ત્રીજી વખત ખિતાબ જીતવાનું સપનું રોળાઈ ગયું છે.
ચેન્નઈ સુપર કિંગ્સે આઈપીએલ 2021 નો ખિતાબ જીત્યો છે. ટીમે ફાઇનલમાં KKR (કોલકાટા નાઇટ રાઇડર્સ) ને 27 રનથી હરાવ્યું છે. CSK એ ચોથી વખત આઈપીએલનો ખિતાબ જીત્યો અને તે પણ એમએસ ધોનીની કેપ્ટનશીપમાં. કેપ્ટન તરીકે ધોનીની આ 300 મી મેચ હતી. આ સાથે ટીમે 2012 ની IPL ફાઇનલમાં KKR ની હારનો બદલો પણ લીધો હતો. પ્રથમ બેટિંગ કરતા CSK એ 3 વિકેટે 192 રનનો વિશાળ સ્કોર બનાવ્યો હતો. જવાબમાં કેકેઆરની ટીમ માત્ર 165 રન જ બનાવી શકી હતી. CSK ઓપનર ફાફ ડુ પ્લેસિસે 86 રનની શાનદાર ઇનિંગ રમી હતી.
લક્ષ્યનો પીછો કરવા નીકળેલી KKR ની ટીમને નસીબનો સહયોગ મળ્યો. બીજી ઓવરના ત્રીજા બોલ પર એમએસ ધોનીએ વેંકટેશ અય્યરનો સાદો કેચ પકડ્યો. તે સમયે તે શૂન્ય પર રમી રહ્યો હતો. બોલર જોસ હેઝલવુડ હતો. આ પછી, ગિલ અને અય્યર (50) એ પ્રથમ વિકેટ માટે 10.4 ઓવરમાં 91 રન ઉમેરીને KKR ને શાનદાર શરૂઆત આપી હતી. અય્યરે 32 બોલનો સામનો કર્યો હતો. 5 ચોગ્ગા અને 3 છગ્ગા ફટકાર્યા હતાં. અય્યરે સિઝનની ચોથી અડધી સદી પણ ફટકારી હતી.
4⃣th #VIVOIPL fifty for @ivenkyiyer2512! 👏 👏
What a fantastic season the @KKRiders left-hander is having! 👍 👍 #CSKvKKR | #Final
Follow the match 👉 https://t.co/JOEYUSwYSt pic.twitter.com/kgpqfABYwf
— IndianPremierLeague (@IPL) October 15, 2021
એક સમયે KKR નો સ્કોર વિકેટ વગર 91 રન હતો. 11 મી ઓવરના ચોથા બોલ પર, શાર્દુલ ઠાકુરે પહેલા અય્યરને અને તે જ ઓવરના છેલ્લા બોલ પર નીતિશ રાણા (0) ને આઉટ કર્યા. આ પછી, આગામી ઓવરમાં, હેઝલવુડે સુનિલ નારાયણ (2) ને આઉટ કરીને KKR ને ત્રીજો ફટકો આપ્યો. ટીમનો સ્કોર 97 રન હતો. નરેન આ વખતે આશ્ચર્યજનક કંઈ કરી શક્યો નહીં.
ગિલ પણ અડધી સદી સાથે પાછો ફર્યો
ઓપનર બેટ્સમેન શુભમન ગિલ 51 રન બનાવ્યા બાદ દીપક ચાહરના બોલ પર આઉટ થયો હતો. ડાબા હાથના સ્પિન બોલર રવિન્દ્ર જાડેજાએ પહેલા KKR ને 15 મી ઓવરમાં દિનેશ કાર્તિક (9) અને પછી શાકિબ અલ હસન (0) ને આઉટ કરીને મોકલી દીધો હતો. રાહુલ ત્રિપાઠી પણ શાર્દુલના બોલ પર માત્ર 2 રન બનાવી આઉટ થયો હતો. કેપ્ટન મોર્ગન પણ વધુ કંઈ કરી શક્યો નહીં અને 4 રન બનાવી હેઝલવુડના હાથે આઉટ થયો. માવી 20 રન બનાવ્યા બાદ છેલ્લી ઓવરમાં આઉટ થયો હતો. ટીમ 20 ઓવરમાં 9 વિકેટે માત્ર 165 રન બનાવી શકયો. ફર્ગ્યુસન 18 રને અણનમ રહ્યો હતો. શાર્દુલ ઠાકુરે 3 વિકેટ લીધી હતી.
