જો તમે કોઈ પેન્શન યોજના (Pension scheme) લેવાનું વિચારી રહ્યા છો તો જીવન વીમા નિગમ (LIC) તમારા માટે ખૂબ સારો વિકલ્પ લાવ્યું છે. આ પૉલિસી લેતી વખતે તમારે ફક્ત એક વખત પ્રીમિયમ ચૂકવવાનું રહેશે. જે બાદમાં તમને જિંદગીભર Pension મળતું રહેશે. આ પૉલિસીનું નામ સરલ પેન્શન યોજના (Saral Pension Yojana) છે.
ભારતીય જીવન વીમા નિગમ (Life Insurance Corporation of India- LIC)એ 1 જુલાઈ, 2021થી એલઆઇસીની સરલ પેન્શન યોજના (LIC Saral Pension Plan) લૉંચ કરી છે. આ નોન-લિંક્ડ, સિંગલ પ્રીમિયમ યોજના છે. તે ભારતીય વીમા નિયામક અને વિકાસ પ્રાધિકરણના દિશા-નિર્દેશો અનુસાર Immediate Annuity plan છે. આ યોજના 40થી 80 વર્ષની ઉંમરના લોકો માટે ઉપલબ્ધ છે. એટલે કે તમે 40 વર્ષની ઉંમરથી Pension મેળવી શકો છો.
આ પ્લાનમાં તમામ જીવન વીમાકર્તાઓ માટે સમાન નિયમો અને શરતો લાગુ પડશે. LICના આ પ્લાન હેઠળ પોલિસીધારકની પાસે સિંગલ પ્રીમિયમ ચૂકવણી કરવાનો તેમજ બે વિકલ્પમાંથી એન્યુટી પસંદ કરવાનો વિકલ્પ છે. આ સ્કીમમાં પોલિસી શરૂ થયાની તારીખથી 6 મહિના બાદ કોઈ પણ સમયે લોન મળી શકશે.
બે વિકલ્પ:
આ પૉલિસી કોઈ એક વ્યક્તિના નામ પર રહેશે. એટલે કે આ Pension યોજના કોઈ એક વ્યક્તિ સાથે જોડાયેલી રહેશે. પેન્શનધારક જ્યાં સુધી જીવશે ત્યાં સુધી તેને Pension મળતું રહેશે. જે બાદમાં નૉમિનીને બેઝ પ્રીમિયમ મળી જશે.
જોઈન્ટ વિકલ્પ:
આ યોજના પતિ અને પત્ની બંનેને સુરક્ષા આપે છે. આ યોજનામાં પતિ અથવા પત્ની જે વધારે સમય જીવે છે તેમને Pension મળતું રહેશે. જ્યારે બંને નહીં રહે ત્યારે નૉમિનીને બેઝ પ્રાઇસ મળી જશે.
કેવી રીતે ખરીદશો પ્લાન?
આ પ્લાનને ઑફલાઇન કે ઓનલાઇન www.licindia.inની વેબસાઇટ પરથી ખરીદી શકાય છે. પ્લાન હેઠળ minimum Annuity 12,000 પ્રતિ વર્ષ છે. લઘુત્તમ ખરીદ મૂલ્ય, એન્યૂઅલ મોડ, પસંદ કરવામાં આવેલા વિકલ્પ અને પોલિસી લેનારની ઉંમર પર આધારિત રહેશે. તેમાં મહત્તમ ખરીદી મૂલ્યની કોઈ મર્યાદા નથી રાખવામાં આવી. આ યોજના 40થી 80 વર્ષની ઉંમરના લોકો માટે ઉપલબ્ધ છે.
પોલિસી લેતાં જ શરૂ થઈ જશે Pension
વીમાધારક પોલિસી લેતાં જ તેમનું Pension શરુ થઈ જશે. Immidiate Annuityને તમે Immidiate Pension પણ કહી શકો છો. હવે તે પોલિસીધારક પર નિર્ભર કરશે કે Pension દર મહિને જોઈએ છે કે ક્વાર્ટરલી, હાફ યરલી કે યરલી. જો દર મહિને Pension જોઈએ છે તો મંથલી ઓપ્શન પસંદ કરવાનો રહેશે. આવી જ રીતે અન્ય વિકલ્પ માટે પસંદગી કરવાની રહેશે.
Pension ક્યારે મળશે?
પેન્શન ક્યારે મળે તેનો આધાર પૉલિસી લેનાર પર છે. તમે આ માટે દર મહિને, દર ત્રણ મહિને, દર છ મહિને કે પછી વર્ષે પેન્શન લઈ શકાય છે. તમે જે વિકલ્પ પસંદ કરશો તે પ્રમાણે પેન્શન આવવા લાગશે.
કેટલું પેન્શન મળશે?
સરલ પેન્શન માટે તમારે કેટલી રકમ ભરવી પડશે તેનો આધાર તમે પેન્શન મેળવવાનો કયો વિકલ્પ પસંદ કરો છો તેના પર છે. આ માટે ચાર વિકલ્પ છે. જો તમે મહિને પેન્શન લેવા માંગશો તો 1,000 રૂપિયા, ત્રણ મહિના માટે 3,000, છ મહિના માટે 6,000 અને 12 મહિના માટે 12,000 ન્યૂનતમ પેન્શન લેવું જરૂરી છે. વધારે પેન્શન લેવા અંગે કોઈ મર્યાદા નથી.
વૃદ્ધાવસ્થામાં નો ટેન્શન! કરોડપતિ બનીને થશો રિટાયર, ખાતામાં દર મહિને આવશે 50 હજાર રૂપિયા
ઉદારણથી સમજો
જો તમારી ઉંમર 40 વર્ષ છે અને તમે એક સાથે 10 લાખ રૂપિયા સિંગલ પ્રીમિયમ જમા કરો છો તો તમને વાર્ષિક 50,250 રૂપિયા પેન્શન મળવા લાગશે. આ પેન્શન તમને આજીવન મળશે. આ દરમિયાન જો તમે વચ્ચે જમા કરેલી રાશિ પરત લેવા માંગો છો તો 5% રકમ કપાત કરીને બાકીની રકમ પરત કરી દેવામાં આવશે. જમા રકમ પર લોનની સુવિધા પણ મળે છે.
