જો તમે પણ ઘણી બેંકોમાં Account ધરાવતા હોય તો તમારે ચેતવાની જરૂર છે. મલ્ટીપલ બેંક Accountના કારણે તમારે ઘણુ નુકસાન વેઠવુ પડે છે. સૌથી ખરાબ વાત એ છે કે તેમાં તમને થતા આર્થિક નુકસાન વિશે ખબર પણ નહીં પડે. ટેક્સ અને ઇનવેસ્ટમેન્ટ એક્સપર્ટનું તે પણ કહેવું છે કે સિંગલ બેંક Account રહેવા પર રિટર્ન ફાઇલ કરવુ સરળ હોય છે.
વધુ ચાર્જ
જો તમારી પાસે ઘણી બેંકોમાં Account છે, તો પ્રથમ ગેરલાભ મેન્ટેઇનેન્સને લઇને થાય છે. દરેક બેંકમાં અલગ અલગ મેઇન્ટેનન્સ ચાર્જ, ડેબિટ કાર્ડ ચાર્જ, એસએમએસ ચાર્જ, સર્વિસ ચાર્જ, મિનિમમ બેલેન્સ ચાર્જ છે.
જેટલી બેંકોમાં ખાતા છે, દરેક બેંકને આવા તમામ ચાર્જ ચૂકવવા પડશે. આનો કોઈ ફાયદો નથી, પરંતુ આર્થિક નુકસાન ચોક્કસપણે છે. જો મિનિમમ બેલેન્સ જળવાતું નથી, તો તેના બદલે બેંકો ભારે ચાર્જ વસૂલે છે. આવી સ્થિતિમાં બિનજરૂરી બેંક Account બંધ કરવાની સલાહ આપવામાં આવે છે.
રિટર્ન ફાઇલ કરવુ જટિલ
ટેક્સ નિષ્ણાતો કહે છે કે જો તમારી પાસે સિંગલ બેંક Account હોય તો રિટર્ન ફાઇલ કરવું સરળ છે. તમારી કમાણી વિશેની સંપૂર્ણ માહિતી એક ખાતામાં છે. જુદા જુદા બેંક ખાતા હોવાથી આ ગણતરી જટિલ બને છે. તેના કારણે કુલ આવકની ગણતરી ખોટી પડી શકે છે. આવી સ્થિતિમાં કર વિભાગ તમને નોટિસ આપી શકે છે. આવી જ સમસ્યાઓના ઉકેલ માટે નાણામંત્રી નિર્મલા સીતારણે આ બજેટમાં નવી સિસ્ટમની જાહેરાત કરી હતી. નવા નિયમ હેઠળ, પગારની આવક સિવાયના સ્ત્રોતોમાંથી આવકની માહિતી, જેમ કે ડિવિડન્ડ આવક, મૂડી લાભની આવક, બેંક ડિપોઝિટ વ્યાજની આવક, પોસ્ટ ઓફિસ વ્યાજની આવક અગાઉથી ભરવામાં આવશે. અત્યાર સુધી કરદાતાઓએ તેની અલગથી ગણતરી કરવાની હતી. તેને ઘણી વખત ભૂલી જવાને કારણે તેને તકલીફ થતી હતી. હવે આ બધી માહિતી પૂર્વ ભરેલી આવશે. આ માહિતી પાન કાર્ડની મદદથી પ્રાપ્ત થશે.
Account નિષ્ક્રિય થઇ જશે
જો એક વર્ષ સુધી Saving Account અથવા Current Accountમાં કોઈ ટ્રાન્જેક્શન કરવામાં આવતુ નથી, તો તે નિષ્ક્રિય બેંક ખાતામાં ફેરવાઈ જાય છે. જો બે વર્ષ સુધી કોઈ ટ્રાન્ઝેક્શન નથી, તો તે Dormant Account અથવા Inoperative થાય છે. આવા બેંક ખાતા સાથે છેતરપિંડીની શક્યતા વધી જાય છે. બેન્કર્સનું કહેવું છે કે આ એક્ટિવ ખાતાઓ સાથે, આંતરિક અને બાહ્ય છેતરપિંડીની શક્યતા સૌથી વધુ છે. આવી સ્થિતિમાં તેની વિગતો અલગ ખાતામાં રાખવામાં આવે છે.
CIBIL સ્કોરને અસર
ખાનગી બેંકોનો મિનિમમ બેલેન્સ ચાર્જ ખૂબ ઉચો છે. ઉદાહરણ તરીકે, HDFC બેંકનું મિનિમમ બેલેન્સ 10 હજાર રૂપિયા છે. ગ્રામીણ વિસ્તારો માટે તે 5000 રૂપિયા છે. આ બેલેન્સ જાળવવા માટે, એક ક્વાર્ટર માટે દંડ 750 રૂપિયા છે. અન્ય ખાનગી બેંકો માટે પણ સમાન ચાર્જ લાગુ પડે છે. જો તમે ભૂલથી મિનિમમ બેલેન્સ ન જાળવી રાખો તો તમારે દર મહિને બિનજરૂરી રીતે સેંકડો રૂપિયા ચૂકવવા પડી શકે છે. આ તમારા CIBIL સ્કોરને પણ અસર કરે છે. આજના યુગમાં CIBIL સ્કોર દરેક માટે ખૂબ મહત્વનો છે. આ સ્કોરના આધારે, તમને બેંક તરફથી સસ્તી લોન મળે છે. ઓછા CIBIL સ્કોરનો ગેરલાભ લાંબા ગાળે ઉચ્ચ વ્યાજના સ્વરૂપમાં સહન કરવો પડશે.
મિનિમમ બેલેન્સ જાળવવા માટે વધુ ખર્ચ
જો તમારી પાસે મલ્ટીપલ બેંક ખાતા છે, તો દર મહિને હજારો રૂપિયા માત્ર મિનિમમ બેલેન્સ જાળવવા માટે ખર્ચવામાં આવશે. આ તમારા રોકાણ પર અસર કરે છે. જે નાણાં પર તમારે ઓછામાં ઓછું 7-8 ટકા વળતર મેળવવું જોઈએ, તે પૈસા તમારા મિનિમમ બેલેન્સ તરીકે રાખવામાં આવશે. એવું નથી કે મિનિમમ બેલેન્સ પર વ્યાજ ઉપલબ્ધ નથી, પરંતુ તે મહત્તમ 3-4 ટકા સુધી રહેશે. આ નાણાં યોગ્ય જગ્યાએ રોકાણ કરીને, 7-8 ટકા સુધીનું વળતર સરળતાથી મળી શકે છે.
