ભારત અને ઈંગ્લેન્ડ વચ્ચે રમાયેલી ચોથી ટેસ્ટ મેચમાં ટીમ ઇન્ડિયાએ યજમાન ઇંગ્લિશ ટીમને 157 રનથી હરાવી છે. ભારતે મેચનાં પાંચમાં અને અંતિમ દિવસે છેલ્લા સત્રમાં ચોથી ઇનિંગમાં ઈંગ્લેન્ડને 210 રનમાં ઓલઆઉટ કરી દીધું હતું અને શાનદાર વિજય નોંધાવ્યો હતો. આ જીત સાથે ટીમ ઇન્ડિયાએ આ પાંચ ટેસ્ટની સીરીઝમાં 2-1ની લીડ મેળવી લીધી છે. આ સાથે જ ટીમ ઈન્ડિયાનાં કેપ્ટન Virat Kohli એ પણ એક મોટો રેકોર્ડ બનાવ્યો છે.
ભારતીય ટીમનાં કેપ્ટન Virat Kohli ની બેટિંગ માટે ઘણી ટીકા થઈ હતી અને લીડ્સ ટેસ્ટમાં હાર બાદ તે દબાણમાં હતો. Virat Kohliએ ચોથી ટેસ્ટમાં જબરદસ્ત વાપસી કરી હતી. તેણે એક ઇનિંગમાં 50 રનની શાનદાર ઇનિંગ રમી હતી જ્યારે બીજી ઇનિંગમાં તેણે 44 રન બનાવ્યા હતા. તેની બેટિંગની સાથે સાથે Virat Kohliએ એક મહાન કેપ્ટનશીપનો રેકોર્ડ પણ બનાવ્યો છે.
કોરોના ન હોવા છતાં Hospital માં બેડ ખાલી નથી, અધિકારીઓને અપાયા આ હુકમ
ટીમ ઈન્ડિયાનો કેપ્ટન Virat Kohli ઈંગ્લેન્ડની ધરતી પર યજમાન ઈંગ્લેન્ડ ક્રિકેટ ટીમ સામે 3 ટેસ્ટ મેચ જીતનાર પ્રથમ એશિયન કેપ્ટન બન્યો છે. Virat Kohliનો આ રેકોર્ડ ખૂબ જ ખાસ છે કારણ કે તેણે ટોચનાં ચાર ટેસ્ટ રમનારા દેશોમાં પણ પોતાની ઓળખ બનાવવા માટે કોઈ કસર છોડી નથી. Virat Kohli એ અત્યાર સુધી વિદેશી ધરતી પર ટેસ્ટ ક્રિકેટમાં ચાર દેશોમાં 9-9 જીત નોંધાવી છે. તેમની કેપ્ટનશીપમાં ભારતે ઓસ્ટ્રેલિયા, શ્રીલંકા, વેસ્ટ ઈન્ડિઝ અને હવે ઈંગ્લેન્ડમાં પણ 9 ટેસ્ટ મેચ જીતી કમાલ કરી છે. આ સિવાય, ‘SENA’ દેશોમાં, એટલે કે દક્ષિણ આફ્રિકા, ઈંગ્લેન્ડ, ન્યૂઝીલેન્ડ અને ઓસ્ટ્રેલિયામાં, તેણે પોતાની કેપ્ટનશીપની શક્તિ બતાવી છે.
ઈંગ્લેન્ડમાં સૌથી વધુ મેચ જીતનાર ભારતીય કેપ્ટન
3 – Virat Kohli*
2 – કપિલ દેવ
1 – એમએસ ધોની
1 – રાહુલ દ્રવિડ
1 – સૌરવ ગાંગુલી
1 – અજિત વાડેકર
વિદેશી ધરતી પર સૌથી વધુ ટેસ્ટ જીતનાર ભારતીય કેપ્ટન
15 – Virat Kohli*
11 – સૌરવ ગાંગુલી
6 – એમએસ ધોની
5 – રાહુલ દ્રવિડ
સેના દેશોમાં સૌથી વધુ જીત સાથે કેપ્ટન
6 – Virat Kohli*
4 – જાવેદ મિયાંદાદ
4 – વસીમ અકરમ
3 – એમએસ ધોની
3- મિસ્બાહ-ઉલ-હક
3 – મુશ્તાક મોહમ્મદ
3 – મન્સૂર અલી ખાન પટૌડી
કેપ્ટન તરીકે સૌથી વધુ ટેસ્ટ 100+ રનથી જીત્યા છે
26- Virat Kohli
23- રિકી પોન્ટિંગ
15- ગ્રીમ સ્મિથ
15- જો રૂટ
15- સ્ટીવ વો
કેપ્ટન તરીકે સૌથી વધુ ટેસ્ટ 150+ રનથી જીતે છે
20- Virat Kohli
18- રિકી પોન્ટિંગ
12- ગ્રીમ સ્મિથ
11- જો રૂટ
વિદેશી ધરતી પર કેપ્ટન તરીકે મોટાભાગની ટેસ્ટ 100+ રનથી જીતે છે
11- Virat Kohli
11- કાયલ લોયડ
11- મિસ્બાહ ઉલ હક
Virat Kohli પહેલા કોઈ એશિયન કેપ્ટન આ પરાક્રમ કરી શક્યો નથી. વિરાટે ફરી એકવાર સાબિત કરી દીધું છે કે તે વિશ્વનો શ્રેષ્ઠ ટેસ્ટ કેપ્ટન કેમ છે. મેચનાં પાંચમાં દિવસે એક તબક્કે એવું લાગતું હતું કે ઈંગ્લેન્ડ આ ટેસ્ટ મેચ જીતી શકે છે, પરંતુ લંચ બ્રેક બાદ વિરાટે જે રીતે બોલિંગ અને ફિલ્ડિંગ સેટિંગમાં ફેરફાર કર્યા, ઈંગ્લેન્ડની ટીમની આખી રણનીતિ નિષ્ફળ રહી અને ભારતે એક ઐતિહાસિક જીત નોંધી. ભારતે ઈંગ્લેન્ડને 368 રનનો ટાર્ગેટ આપ્યો હતો, જેના જવાબમાં ઈંગ્લેન્ડે ચોથા દિવસની રમતનાં અંત સુધી વિકેટ ગુમાવ્યા વિના 77 રન બનાવ્યા હતા.
